Меѓународна соработка на Сунчане Скале 2012

09/06/2012 | Posted in Various | By

Како и изминатите години и оваа година на Сунчане Скале ќе настапуваат изведувачи од целиот свет. Американката Glenys Vargas и Британецот Kevin Ettienne и оваа година ќе ги претставуваат своите држави со песната “Love me/Let me go”, која Glenys и Kevin ја работеа со италијанскиот композитор и продуцент Filippa Saccuccia. Минатата година успешно се претставија со својата песна “Power:Positive”, дело на Азербејџанецот Isa Melikov, продуцент и менаџер на победничката песна на Евровизија 2011, Nikki Jamal.

 

 

 

 

Источните звуци ќе ни ги претстават Seyran од Азербејџан со песната “Sunshine” и Таџикистанката Tahmina Niyazova, победничка на рускиот фестивал “5 звезд”, со нејзината композиција “My heart makes boom boom boom”. Музиката и текстот за двете песни се на Seyran, додека за аранжманот за песната “Sunshine” е заслужен турскиот продуцент Ulugbek Hekimoglu, а за песната “My heart makes boom boom boom” Германецот Boris Kosak. Од Турција доаѓа пејачката и танчерка J-DA, која ќе настапи со песната “Gel Gel”, дело на Levent Canseven.

 

 

Најголема ѕвезда во овој круг е Австријката Jade Davis, која во 90те години имала многу хитови ширум светот со својата група “Unique II”. Нивниот албум бил издаден во 27 држави низ целиот свет. 2005 година настапила на австрискиот избор за Евровизија со две композиции “Perfect world” и “Just like that”. По подолга пауза Jade се враќа на австриската музичка сцена со песните “Тaking over (I found beauty)” и “Hooked”. Истите биле пуштани и на данските радио станици. На овогодинешниот фестивал “Сунчане Скале” Jade ќе се претсатви со нејзиниот нов сингл “Love Crazy Girl”, дело на австријците Richard Kratky и Moritz Winkler.

 

 

 

 

 

Пејачите на сцена ќе ги придружуваат македонските танчери Јана Андреевиќ, Мартина Србиновска, Дардан Селмани, Љупчо Атанасов и Иван Ангелковски, кои го покажаа своето знаење уште минатата година во Херцег Нови. Покрај многубројните настапи на македските фестивали и видео записи, ова младо друштво веќе има настапувано и на големата евровизиска сцена во Осло и Дизелдорф.

Read More...