25/03/2013 | Posted in: News, OGAE

moriskahusframsidaКако дел од понудата на градот Малме како домаќин, убавиот и распространетиот Moriska павиљон ќе има уникатна Евровизиска програма во текот на денот и ноќта и ќе претставува место за дружба за време на Eurosong 2013.

Moriska павиљонот во Малме ќе биде домаќин на “Euro Fan Cafe” од 6-18 мај 2013 година. Организацијата на настаните во овој клуб е овозможена од градот Малме.

Годиншното café ќе содржи подиум за танцување со 100% евровизиска музика, исполнета со изведувачите од овогодинешниот Евросонг, како и изведувачи од претходните години. Во содржината ќе бидат присутни големи квизови, разговори со учесниците, филмови, специјални настапи, како и караоке вечер насловена “Nil Points”.

Продуцентот на Евросонг 2013 изјави: “Фановите се витален и важен дел од Евросонгот. Јас сум навистина среќен за оваа иницијатива од градот Малме и павилионот Moriska, кој ќе биде одлично место за средба на фановите”. “Искрено се надевам дека ќе имам време да се запознаам со фановите кои во мај ќе бидат во Euro Fan Café.”

Павилионот Moriska содржи:
Бистро и бар со сцена за настапи и пристапно мени од скандинавската кујна (капацитет: 150 лица)
The Mirror Room, перфектен простор за клубови и концерти од средна големина (капацитет: 400 лица)
The Grand Room, наменета за поголеми клубови, концерти и приватни настани (капацитет: 1000 лица)
The Outdoor Space, одличен простор за релаксација и разговори во свежите ноќи во Малме.

Павилионот Moriska соработуваше со OGAE International, Melodifestivalklubben Sweden и познатиот сајт 12points.tv за да се направи програма за тврокорните фанови, но и за обичната публика.

Програмата ја составија Ozan Sunar (уметнички директор на Moriska павилионот), Albin Balthasar (креативен продуцент кој работи во Малме) и  Rick Jacobs (жител на Малме и еден од уредниците на сајтот 12points.tv).

Albin Balthasar изјави: “Нашата цел е овој објект да е креиран од фановите за фановите, со цел вашиот престој во Малме да биде исполнет со специјални Евросонг настани кои ги сакате и ги заслужувате.”

Rick Jacobs изјави: “Покрај настапите во живо од сегашните претставници и претставници од минатото, ние ќе имаме 100% евровизиска музика во целиот објект уште две седмици пред Евросонгот.”

 

moriska_2Во текот на април ќе бидат објавени работните часови, како и програмата.

За павилионот Moriska:
Павилионот Moriska е изграден пред 110 години, на централно место во средината на еден од многуте паркови во Малме. Во 2011-та е реотворен од страна на Ozan Sunar, познат по рекреирањето на Södra Teatern (Јужен театар) во Стокхолм. Денес, овој павилион има репутација како домаќин на најдобрите клубови, концерти и најкреативните луѓе од јужниот дел на Шведска. Со неговите големи простории и восхитувачкиот интериер, објектот е најпопуларна локација за клубови и настани од културата во Малме.